• HJÁLP

  • FORSÍĐA

  • SKRÁ VITJUN

  • LYFJASKÁPUR


  • GRIPUR

  • SAMNINGAR

  • LYF

  • SJÚKDÓMUR

  • HĆTTA
  •  
  • Fréttir

     
    13.12.2018 10:17:08
     
    Garnaveikibólusetningar
    Nú er garnaveikibólusetningatímabilið að klárast gott að rifja upp hvernig hægt er að skrá þær í Heilsu ef einhverjir hafa verið óöruggir. Annars vegar er hægt að skrá garnaveikibólusetningar eins og venjulega vitjun en einnig geta dýralæknar skráð þær bólusetningar sem þeir hafa framkvæmt þó þeir hafi ekki í höndunum öll gripanúmer.  Það er gert eins og um skráningu í lyfjaskáp sé að ræða og bóndi ráðstafar þeim síðan í rétta gripi.  Skráning dýralæknis fer að mestu leiti fram eins og önnur skráning í lyfjaskáp nema tilgreina þarf skammt sem gefinn var hverjum grip og í heildarmagn skal skrá það heildarmagn lyfs sem var gefið við bólusetningu.  Dæmi: ef dýralæknir bólusetur 20 gripi á einum bæ þar sem hverjum grip er gefið 1 ml af bóluefni skal skrá 1 ml fyrir 'Skammt' og 20 ml fyrir 'Heildarmagn'. Ef hins vegar hver gripur fengi 2 ml af bóluefni væri 2 ml skráð fyrir 'Skammt' og 40 ml fyrir 'Heildarmagn'.
    Þar sem að héraðsdýralæknar halda utan um stöðu á garnaveikibólusetningarbæjum í Heilsu þá verður það utanumhald mun auðveldara ef garnaveikibólusetningar eru skráðar í Heilsu og er því biðlað til dýralækna að skrá allar bólusetningar í kerfið.
     
    18.10.2018 09:11:57
     
    Aflífun og gelding á hrossum í Heilsu
    Búið er að gera breytingar á Heilsu og WorldFeng þannig að þegar skráð er sjúkdómsgreiningin "Aðgerð, aflífun samkvæmt beiðni" í Heilsu að þá skráist hesturinn sjálfkrafa dauður í WorldFeng. Samskonar á einnig við þegar skráð er sjúkdómsgreiningin "Aðgerð, gelding (karldýr)" í Heilsu að þá skráist gripurinn sem geldur í WorldFeng. Þetta á við um skráningar sem eru gerðar frá og með 17.október 2018.
     
    22.05.2018 14:58:27
     
    Breytingar á lyfjaskápum í Heilsu 
    Búið er að gera breytingar á lyfjaskápum í Heilsu samhliða breytingum á lyfjaskráningum í hjarðbókarkerfi sauðfjárbænda, Fjárvís.  Breytingin í Heilsu er þannig að þegar lyfjaskápurinn er opnaður þá sést yfirlit fyrir þau lyf sem hafa verið skráð í skápinn í stað tæmandi lista áður yfir allar skráningar sem gerðar hafa verið í lyfjaskápinn. Ein lína birtist þá fyrir hvert lyf og hvaða magn er af því lyfi í lyfjaskápnum þá stundina.  Fyrir hvert lyf er síðan hægt að fá nánari upplýsingar um skráningar á lyfinu í og úr lyfjaskápnum, einskonar reikningsyfirlit, og fæst það með því að smella á bláa "i" hringinn til hægri í línunni fyrir hvert lyf. Dýralæknar geta séð allar skráningar í og úr lyfjaskáp en sjá aðeins nafn sitt á þeim skráningum sem eru í þeirra nafni, líkt og áður. Ef að magn lyfs birtist í mínus þá hefur bóndi skráð lyfjagjöf með lyfinu en lyfið hefur ekki verið skráð í lyfjaskáp af dýralækni. Ef að dýralæknir rekur sig á mínus stöðu á lyfi sem hann hefur áður afhent á viðkomandi búi þá getur verið gott að skoða nánari upplýsingar um hreyfingarnar á lyfinu til að kanna hvort hann eigi eftir að skrá viðkomandi afhendingu á lyfinu í lyfjaskápinn.